Moderatorja Luana Vjollca ka gjetur kurën e duhur për qetësi pas incidentit që ndodhi me fansin rreth 2 javë më parë.
Prej disa ditësh ajo është larguar nga Shqipëria, për të shijuar disa ditë pushimi bashkë me të dashurin e saj, Krenar Çobaj.
Çifti sipas fotove të postuara në “Instagram” kanë shkuar në Firence të Italisë, ku po pushojnë për të harruar atë që ndodhi.
Kujtojmë që para disa ditësh një fans i Luanës, u konfrontua me të dashurin e saj në një nga rrugët kryesore të qytetit, pasi dëshironte të takonte Luanën. Por fatmirësisht kjo ngjarje kaloi pa shumë pasoja, dhe sot çifti duket se janë të lumtur dhe e kanë harruar këtë incident.
