Ups! Mozzik ka trazuar ujërat me postimin e fundit dhe ka lënë sërish të kuptohet se nuk është rikthyer me Loredanën.
Artisti ka postuar një status në Instastory, ku thotë se është single dhe se ka një frikë të madhe për të krijuar një lidhje të re. Sipas asaj që thuhet në Instastoryn e tij, ai stepet nga fakti nëse vajza që do ketë në krahë do e kuptojë se vajza e tij vjen e para, pra është më e rëndësishmja për të.
Të gjithë shokët më thonë se kam nevojë për një të dashur, por unë jam një baba beqar. Kam frikë se s’do gjejë dikë që do kuptojë se fëmija im vjen i pari.
Duan apo s’duan, janë apo s’janë në krahët e njëri-tjetit, fansat duan që ata të jenë bashkë. Mozzik dhe Loredana janë çifti më i dashur nga publiku dhe ndjekësit e tyre mezi presin të bashkojnë detajet për ta vërtetuar se janë bashkë.
E kështu kanë bërë sërish. Reperja ka lajmëruar disa ditë më parë se do vijë me një projekt tëri. Ajo ka ndarë në rrjetet socale një video nga studioja muzikore, teksa në sfond dëgjohet një pjesë e këngës. Po çfarë thuhet në këngë do thoni ju? “Mbreti vesh Louis Vuitton, kurse mbretëresha vesh Dior”. Që rastësisht duket të jkenë edhe markat e tyre të preferuara, respektivisht të Mozzik dhe Loredanës.
Kjo frazë është edhe një paralelizëm edhe i suksesit të tyre “mbreti dhe mbretëresha”, pasi siç e dimë 2020 ka qenë viti i suksesit për dyshen. Nuk ka ende detaje lidhur me publikimin e kësaj kënga po fansat e tyre po presin me padurim.
Kujtojmë se më 2 janar Mozzik ka dhënë një intervistë për “Prive”, në të cilën ka folur për herë të parë hapur rreth lajmeve dhe dyshimeve të fansave për një rikthim me Loredanën. Ai ka treguar se kjo nuk është fare e vërtetë, sepse në të kundërt ai do e kishte pranuar vetë këtë gjë. Në lidhje me videot e fotot ku ata janë kapur shpesh mat bashkë nëpër qendra tregtare, Mozzik është shprehur se kanë dalë me njëri-tjetrin për t’i blerë diçka vajzës së tyre, Hanës.
Ai ka thënë se nëse do të ishte bashkuar sërish me Loredanën, nuk do të kishte pasur turp ta pranonte vetë publikisht këtë gjë.
“Unë me të takohem ndoshta 1 herë në javë, sepse ashtu kemi jetën, nuk kemi si të mos takohemi se kemi një fëmijë në mes. Kemi qenë në një qendër tregtare për t’i blerë diçka vajzës. Nëse do ishte diçka sekret, nuk do ishim në një qendër tregtare. Ajo është nëna e vajzës sime, kështu që nuk është diçka wow. Nuk ka diçka që duhet fshehur. Nëse do kishte pasur diçka unë nuk do kisha pasur turp të thosha jemi bashkuar, sepse nuk mbahet sekret”, është shprehur reperi.
Ndërkohë para pak muajsh Mozzik u shfaq në pjesën e parë të dokumentarit të Loredanës dhe të gjithë mbetën të habitur. Prej aty fansat u bindën se ai ishte rikthyer me Loredanën, por mesa duket ata për momentin janë thjesht miq të mirë dhe ruajnë raportet për hir të vajzës së tyre.
View this post on Instagram
