Ministrja e Shëndetësisë Ogerta Manastirliu ka bërë me dije me anë të një postimi në rrjetet sociale se ditën e sotme kanë lënë Spitalin Infektiv 5 pacientë.
Në këtë mënyrë, numri total i të shëruarve në vendin tonë ka shkuar në 76, mes tyre edhe personel mjekësor, mjekë dhe infermierë.
“5 pacientë kanë lënë sot spitalin #Infektiv
Mjekët dhe infermierët që shihni në foto janë një pjesë e ekipit të palodhur të këtij spitali që po përballen ditë e natë, me sakrificë të jashtëzakonshme në luftë me #COVID19.
Deri tani 76pacientë janë shëruar nga #COVID19
#FORCA”, shkruan Manastirliu.
Ndërkohë numri i personave të infektuar në vendin tonë ka shkuar në 277 persona, pasi në 24 orët e fundit janë identifikuar 18 raste të reja nga 96 testime të kryera.
Ndërsa për fat të keq numri i viktimave ka shkuar në 16, pasi mëngjesin e sotëm humbi jetën në 78-vjeçar nga Durrësi.
