Koronavirusi ‘pushton’ Shtetet e Bashkuara të Amerikës, 21 200 të infektuar në 24 orët e fundit

Shtetet e Bashkuara të Amerikës janë duke kaluar një situatë shumë të vështirë për shkak të koronavirusit.

Në pak ditë është ngjitur në krye të tabelës për numrin më të lartë të të infektuarve nga koronavirusi dhe numri i viktimave rritet nga dita në ditë.

Tashmë ka shkuar në 5,780 numri total i të vdekurve nga koronavirusi, teksa brenda 24 orëve ka pasur 21, 218 persona të prekur, duke e çuar në 236, 221 numrin e përgjithshëm të të prekurve.

Kjo situatë ka ndikuar edhe në ekonominë e vendit, ndërkohë që raportohet për rreth 6.6 milionë banorë të papunë.

Megjithatë, për t’u ardhur në ndihmë presidenti Donald Trump miratoi një buzhet prej 2.2 trilionë dollarësh, më e larta në historinë e vendit.