Ka ndërruar jetë një tjetër person i infektuar me koronavirus në Shqipëri!
73-vjeçari me inicialet H.K., nga Durrësi ishte i intubuar prej 24 ditësh në spitalin “Shefqet Ndroqi”.
Ai ndërroi jetë mbrëmjen e sotme, pas 1 muaji në gjendje të rëndë, me Insuficience respiratore akute.
73-vjeçari vuante nga pneumonia bilaterale, detres i rëndë respirator (ARDS), dhe sëmundje të tjera bashkëshoqëruese si Talasemi Minor dhe Hipertension Arterial.
Me gjithë pëpjekjet e jashtëzakonshme të stafit mjekësor në terapinë intensive, 73-vjeçari nuk arriti të mbijetojë.
Ministria e Shëndetësisë dhe Mbrojtjes Sociale u shpreh ngushëllimet familjeve të të ndjerit dhe apelon qytetarët t’i respektojnë me shumë rigorozitet masat e distancimit fizik, pasi janë përcaktuese për frenimin e përhapjes së COVID-19.
29 persona kanë humbur betejën me COVID-19 në vendin tonë, pavarësisht përpjekjeve të stafeve mjekësore të spitaleve COVID.
/Iconstyle.al
