Presidenti i SHBA-së, Donald Trump, ka reaguar lidhur me tensionet e fundit në Lindjen e Mesme, duke theksuar se si Izraeli ashtu edhe Irani kanë shkelur armëpushimin në rajon.
Gjatë një takimi me gazetarët para nisjes për në samitin e NATO-s në Hagë, Trump u shpreh se nuk është i kënaqur me veprimet e të dyja palëve, duke nënvizuar shqetësimin e tij për situatën.
Në një postim në rrjetin social Truth Social, ai gjithashtu paralajmëroi se një sulm izraelit ndaj Iranit do të ishte një “shkelje e madhe”, duke sugjeruar që Izraeli të tërheqë pilotët e tij.
Trump theksoi gjithashtu se kapacitetet bërthamore të Iranit janë zvogëluar dhe se Teherani nuk ka ndërmend të rindërtojë programin e tij bërthamor.
