Kryeministri Edi Rama kujdeset që të mos e tregojë portretin e plotë të djalit të tij të vogël, Zahos, por nuk ngurron asnjëherë të ndajë me ndjekësit në rrjetet sociale momente nga jeta e tij familjare.
Koha e kaluar me të birin për kryeministrin është e shtrenjtë, megjithëse shumë e kufizuar për shkak të angazhimeve të tij profesionale. Momentet që kalon bashkë me të birin janë të mbushura me aktivitete dhe me sa duket po e orienton Zahon drejt talenteve të tij të para.
Diku në një telajo me ngjyra, diku përballë një pikture-iluzion dhe diku tjetër, në një fushë sporti. Zaho dhe i ati ia dalin të tërheqin gjithmonë vëmendjen e miqve virtualë sa herë postojnë një foto a një video nga koha e lirë.
Ditën e Verës familja Rama e ka kaluar në mënyrën më të mirë të mundshme. Natyrisht që nuk mund të mungonte edhe një ndeshje futbolli me tij, Lindës dhe Zahos, e ku tjetër më mirë se në një fushë basketbolli, dashuria e vjetër e kryeministrit.
Edhe në këtë video Rama është kujdesur që të mos e shfaq fytyrën e Zahos, megjithëse ne arrijmë të dallojmë se sa është rritur nga hera e fundit që e kemi parë në rrjetet sociale. Në këtë video bie në sy edhe sportiviteti i zonjës Linda, e cila ka shoqëruar meshkujt e familjes në këtë “ndeshje” futbolli.
