Duke qenë se numri i jetëve të humbura dhe personave të infektuar nga Covid-19 po vjen në zbritje në Itali, shteti fqinj ka menduar të lehtësojë masat për qytetarët.
Gjatë 24 orëve të fundit, Italia shënoi 604 të vdekur, shifra që po vijnë në rënie nga dita në ditë.
Nëse do të vazhdohet me këtë ritëm, qeveria italiane planifikon që vendi t’i kthehet pak nga pak jetës normale.
Kryeministri italia, Giuseppe Conte, ka diskutuar me grupin tekniko-shkencor për vazhdimin e masave të izolimit, duke thënë se faza e dytë e Covid-19 do të jetë e ndarë në dy pjesë.
Pikë së pari, pas ditës së Pashkëve do të ketë hapje të vogla të aktiviteteve të prodhimit, ndërsa hapi i dytë do të vijë pas datës 4 maj, pasi do të bëhet një rimodelim i masave.
Megjithatë, pavarësisht lëshimeve me pikatore, qytetarët duhet të vazhdojnë të respektojnë me përpikmëri rregullat për të parandaluar një rikthim për herë të dytë të virusit.
