Shifrat e të prekurve dhe të infektuarve nga Covid-19 janë rritur ndjeshëm gjatë ditëve të fundit në Itali.
Italia rezulton vendi më i prekur në Europë dhe dita ditës bilanci i jetëve të humbura është i njëjtë me bilancin e një lufte.
Brenda 24 orëve të fundit, Italia ka shënuar 602 viktima.
Numri total i jetëve të humbura ka shkuar deri tani në 6,078, ndërsa situata po bëhet e papërballueshme.
E gjithë Italia është shpallur zonë e kuqe, ndërkohë që veriu i vendit rezulton më i prekuri nga epidemia.
Në total, numri i rasteve të infektuara me koronavirus në Itali ka shkuar në 63,928.
