Vetëm pak minuta më parë u raportua për shifrat e reja të jetëve të humbura brenda 24 orëve në Itali.
Vendi fqinj ka regjistruar 602 vdekje, duke e çuar në total 6,078 numrin e tyre.
Mësohet se numri i mjekëve që kanë humbur jetën në krye të detyrës në Itali ka shkuar në 24.
Lajmin e bëri të ditur “Federata Kombëtare e Urdhërit të Mjekëve”.
Dy rastet e fundit të regjistruara janë Rosario Lupo, mjek ekzaminues në Bergamo dhe Giuseppe Fasoli, mjek familjar në pension, në Brescia.
Ky i fundit ishte kthyer në punë për të ndihmuar kolegët e tij për të luftuar koronavirusin.
Në total, numri i rasteve të infektuara me koronavirus në Itali ka shkuar në 63,928, shifër e cila vazhdon të rritet dita ditës.
