Në dhjetorin që kaloi, kur Zaimina organizoi festën e bebit, u përfol se dy mikeshat e ngushta Zaimina Vasjari dhe Rezarta Shkurta i kishin shkëputur të gjitha raportet me njëra-tjetrën.
Mikesha e ngushtë e Zait, Rezarta Shkurta, nuk ishte e pranishme në festë. Ndoshta për shkak të ndonjë angazhimi por dyshimet u shtuan pasi në profilin e Rezartës në Instagram, nuk pamë asnjë postim për mikeshën e saj Zai, të cilës, pak muaj më parë i bëri një super surprizë për ditëlindje.
Por veprimi i fundit i Rezartës ka hedhur poshtë të gjitha dyshimet. Në postimin e bërë nga Zai me vogëlushen e saj nuk ka munguar një koment mjaft i ngrohtë i Rezartës.
“Goca ime e vogël”, ka shkruar Rezarta ndërsa Zaimina i ka kthyer si përgjigje disa puthje.
Ky reagim ka shuar më në fund të gjitha dyshimet e të gjithëve.
