Mozzik dhe Loredana duket se po e shijojnë në maksimum kohën që kalojnë me njëri-tjetrin pas rikthimit si çift. Pak ditë më parë Mozzik zbuloi se udhëtoi drejt Milanos, që e konsideroi si qytetin më të bukur të Italisë. Ai publikoi disa foto nga vendi, por nuk na tregoi se në shoqërinë e kujt ishte. Mirëpo “iconstyle.al” zbuloi se Mozzik ishte arratisur drejt Italisë së bashku me Loredanën.
Ndërkohë ditën e djeshme ata e treguan vetë se ishin në Itali, së bashku me vogëlushen e tyre, Hanën. Në llogarinë e Hanës në Instagram, çifti publikuan një foto të vogëlushes me një buqetë me trëndafila të kuq në dorë (që me siguri Mozzik ia ka dhuruar Lorit).
Ndërkohë ditën e sotme të tre si familje ata kanë udhëtuar drejt një tjetër destinacioni. Loredana dhe Mozzik kanë postuar në Instagram foto nga avioni, teksa shihen duke udhëtuar me njëri-tjetrin drejt Dubait. “Oh Dubai?”, ka shkruar Loredana përkrah fotove.
Më pas të dy kanë postuar një imazh të vajzës së tyre, që shihet e shtrirë teksa fle e qetë duke flutuar me avion.
Tashmë që janë ribashkuar dashuria mes Mozzik e Loredanës duket akoma më e fortë dhe nuk kemi dyshime se ky Shën Valentin do të jetë special për ta. Ndërkohë kujtojmë se disa ditë më parë Mozzik dhe Loredana publikuan foto nga një studio muzikore dhe i lanë të gjithë të dyshonin se po sillnin një projekt të përbashkët. Ne mezi presim ta mësojmë se çfarë bëhet fjalë, sepse bashkëpunimet mes tyre na mungojnë të gjithëve.
