Një tjetër bashkëpunim i shumëpritur nga H&M ishte ai me shtëpinë e modës Kenzo. Dyshja kreative Carol Lim dhe Humberto Leon vendosën që të thyenin kodin e shfaqjes, me pasarelën e zakonshme, duke sjell diçka argëtuese të frymëzuar nga libri Kenzo Takada.
Në vitet ’70 dhe ’80, shfaqjet e modës së Takada-s përfshinin kërcimtarë dhe performues. Kjo e gjitha u shfaq mbrëmjen e djeshme, me një kast kërcimtarësh, bateristësh dhe modelë që performonin përreth pasarelës së rrumbullakët, disa herë duke marrë poza me fytyrën e tyre, ndërsa në disa momente duke bërë hapa të vegjël.
Për ato në audiencë ishte një dëshmi se sfilata mund të jetë njëkohësisht edhe shumë argëtuese. Për aspektin e perfomuesve, bashkëpunoi edhe Jean-Paul Goude.
Por, sigurisht shfaqja ishte projektuar për të theksuar veshjet. Lim dhe Leon bashkëpunuan me stilistët Francesca Burns dhe Alex Aikiu për të realizuar koleksionin Kenzo x H&M.
Kenzo është e vetmja markë që dashuron dizajnët e tigrit, ndërsa të gjithë janë të fokusuar te ato të leopardit. Koleksioni vjen me ngjyrat e ndezura të portokallisë dhe jeshiles, nga streçet, te pulovrat, xhaketat dhe palltot.
Gjithashtu dallohen edhe fustanet me siluetat e ciganeve në madhësi të ndryshme, të kombinuara me xhaketa, shapkat me gisht dhe çorapet me dizajnë tigri.
“Humberto tha, “Do të ishte fantastike nëse do të merrnim pjesë nga arkiva dhe t’i risillnim me ato që krijuam në koleksionin tonë të parë dhe të kemi një bashkëbisedim të vërtetë mes nesh dhe Kenzo Takada-s”, tha Carol Lim.
“Ne përpiqemi t’i japim gjithçkaje një histori të vërtetë autentik. Ne kemi qenë gjithmonë të ndryshëm, ne kemi qenë gjithmonë gjithëpërfshirës… nuk jemi duke bërë asgjë për të qenë në trend. Kështu e kemi bërë gjithmonë”, u shpreh Leon për shfaqjen.
Burimi: Vogue
