Pas kësaj sfide do ta harroni sfidën e ujit me akull. Palestinezët në të gjithë botën janë duke publikuar në internet video ku shfaqen duke pirë ujë me kripë.
Sfida e ujit me kripë synon të rrisë ndërgjegjësimin në lidhje me grevën e urisë në burgjet e Izraelit. Sfiduesve u kërkohet të përziejnë ujin me kripë dhe më pas ta pinë, njësoj siç po bëjnë të burgosurit palestinezë në dhomat e tyre të burgut për t’i mbijetuar grevës.
E gjitha nisi më 17 prill, kur më shumë se 1000 palestinezë në 8 burgje nisën “Grevën për Liri dhe Dinjitet”. Ata u kërkojnë autoriteteve trajtim mjekësor dhe kushte më të mira shëndetësore.
Iniciatori ishte Marwan Barghouti, një i burgosur prej 13 vitesh nën akuzën e vrasjes dhe organizimit të sulmeve kundër Izraelit. Videoja e tij u pasua dhe nga idhulli i arabëve, Mohammad Assaf.
Pavarësisht kërkesave të tyre, autoritetet izraelite janë shprehur se nuk do ndërmarrin asnjë masë, pasi “nuk negociojnë me të burgosur”.
Po ju a mund ta bënit këtë provë?
Burimi: CNN
