Tashmë do të jemi sërish gjatë gjithë ditës përpara ekranit të televizorit duke parë “Shtëpiake të dëshpëruara”. Seriali i pëlqyer më së shumti nga publiku qoftë ai shqiptar apo dhe i huaj do të rikthehet sërish pikërisht në këtë vit 2022.
Lajmi u konfirmua përmes faqes zyrtare të serialit në Twitter. Ku në statusin e postuar të shoqëruar bashkë me foton e aktoreve kryesore shkruhej: “Ne po presim me dëshpërim për vitin 2022”.
Ky serial si çdo herë tjetër pritet të sjellë episode të reja të mbushura plot romancë, histori të frikshme dhe të mistershme që fshehin sekrete të ndryshme, vrasje dhe drama familjare që kanë mbajtur një publik të tërë të “fiksuar” për të parë të gjithë sezonet njëri pas tjetrit.
“Shtëpiake të dëshpëruara” u transmetua nga viti 2004 deri në vitin 2012-të, duke u bërë kështu një nga serialet më të njohur e më të ndjekur në të gjithë botën.
Nisjen e serialit e ka konfirmuar edhe më herët vetë aktorja e njohur Eva Longoria, e cila luajti rolin e Gabriella Solis. Ajo u shpreh se rifillimi i serialit ishte planifikuar dhe se ajo do të ishte e para që do të aplikonte për të marrë pjesë në episodet e reja.
