Justin Bieber nuk mund të dukej më i lumtur të martën, pas një udhëtimi me makinë përreth Los Angeles.
22-vjeçari, i cili fshiu profilin e tij në “Instagram” të hënën pas një debati publik me ish-të dashurën e tij Selena Gomez, dukej shumë i buzëqeshur ndërsa e nxirrte kokën jashtë makinës. Justin u dallua në rrugët e qytetit vetëm pak pasi u raportua se ai është duke injoruar telefonatat e ish-të dashurës së tij.
Selena u pendua për zënkën dhe kërkoi falje publike për komentet e saj në profilin e Justin, pasi duket se këngëtari kanadez nuk do të flasë më të.
TMZ raporton se këngëtarja 24-vjeçare është përpjekur të lidhet me Justin, pasi e kritikoi atë online në momentin që ky i fundit kërcënoi se do ta kthente profilin e “Instagram”-it në privat.
Burime pranë yllit të pop bëjnë me dije se ai i ka injoruar të gjitha thirrjet dhe përpjekjet për të komunikuar nga ana e Selena, të cilat përflitet se nuk kanë qenë të pakta. Më parë, Gomez kërkoi falje publike në Snapchat, ku shkroi: “Ajo çfarë kam thënë ishte egoiste dhe e pakuptimtë”.
E gjithë historia nisi pasi Justin u mërzit nga komentet e fansave, që kritikonin të dashurën e tij të re Sofia Richie. Artisti kanadez e akuzoi duke thënë se gjithçka që Selena kërkonte ishte pak vëmendje.
Burimi: Daily Mail
