Jemi mësuar ta shohim gjithmonë me kostumin e tij zyrtar, por kur vjen momenti i pushimeve është pikërisht çasti i duhur për të shijuar disa ditë relaksi larg kostumit dhe kollares.
Një foto e rrallë e kryetarit të Kuvendit, Ilir Meta është publikuar në media. Ai shfaqet duke biseduar në telefon, ndërkohë që është veshur “casual” dhe në një pozicion të shkujdesur.
Kryeparlamentari i pëlqen ngjyrat dhe këtë radhë ka veshur një palë pantallona treçerekëshe në ngjyrë bizele, një bluzë blu dhe një palë shapka me gisht.
Kjo foto është realizuar në plazhin e Jalës, ku Meta ka pushuar disa ditë mes të rinjsh, e në fakt në këtë foto ai nuk dallon shumë prej tyre.
