Pa dalë ende videoklipi, ishte ish-kryeministri Sali Berisha ai i cili akuzoi qeverinë për lyerjen e një treni në ngjyrë lejla. Më pas u zbulua se treni në fakt, ishte pjesë e klipit të Elvana Gjatës, Capital T dhe 2po2.
Në klipin e publikuar të hënën, përveç trenit lejla ku Elvana kërcente, kishte edhe një helikopter lejla si dhe një skaf në po të njëjtën ngjyrë.
Ndryshe nga sa mendohej, mjetet e përdorura në video, nuk janë ngjyrosur me bojë. E paimagjinueshme… por ata thjesht janë mbështjellë me letër ngjitëse! Detajet bien në sy lehtësisht, mjafton të shihni fotot e shkrepura nga klipi.
Pra, ndonëse kishin mundësi për ta realizuar skenën me efekte a programe kompjuterike, stafi duket se ka zgjedhur rrugën e gjatë; atë të mbështjelljes me ngjitës me ngjyrë lejla.
