A do të kishit vullnet të zgjoheshit çdo mëngjes në orën 05:00 për të bërë joga? Tao Porchon-Lynch prej 75 vitesh bën këtë rutinë çdo mëngjes për mësime joge.
98-vjeçarja, e cila është dhe instruktorja më e vjetër në botë e jogës, ka ndarë me të tjerët sekretin e saj të jetëgjatësisë.
Tao ka lindur dhe rritur në Indi, por prej shumë vitesh ajo jeton në Nju-Jork, SHBA. “Çdo gjë është e mundur, asgjë nuk është e pamundur. Kur zgjohesh çdo mëngjes dhe thua ‘kjo do të jetë dita më e bukur e jetës time’, ashtu ndodh”, thotë Porchon-Lynch.
Tao nisi mësimet e jogës në moshën 8-vjeçare, edhe pse në atë kohë i thanë se joga nuk ishte për femrat. Por ajo ishte mjaft e vendosur, duke iu bashkuar një grupi djemsh, pasi mori edhe miratimin e instruktorit për t’iu bashkuar klasës.
Burimi: The Independent
