Me rastin e fillimit të Kupës së Botës në Sao Paolo dhe ditëlindjes së saj të 33-të, supermodelja braziliane dhe një nga engjëjt e Victoria ‘s Secret, Adriana Lima jep perspektivën e saj mbi perceptimin e të bukurës në vendin e saj, për Harper’s Bazaar.
Harper’s Bazaar: Çfarë nënkupton bukuria braziliane për ju?
Adriana Lima: Në Brazil, nuk ka vetëm një ideal të së bukurës. Theksi në veçanti vendoset te bukuria natyrore e një gruaje, por sigurisht, gratë braziliane e shprehin bukurinë e tyre edhe përmes kozmetikës.
HB: Çfarë dinë gratë braziliane për bukurinë që gratë amerikane nuk e dinë?
AL: Gratë braziliane janë mësuar të kujdesen për veten e tyre. Ato fillojnë të kujdesen për bukurinë në moshë të re dhe ky është çelësi për t’u plakur sa më bukur.
HB: Si kujdesen gratë braziliane për flokët e tyre?
AL: Maskat me avokado janë shumë të popullarizuara në Brazil. Ata i shtojnë shkëlqim dhe lagështi flokëve tuaj.
HB: Si duket një grim klasik brazilian?
AL: I shndritshëm në portokalli. E kuqja dhe roza kanë tendencë për të plotësuar tonin e lëkurës së një brazilianeje.
HB: Si kujdesen gratë braziliane për lëkurën e tyre?
AL: Pinë ujë kokosi çdo ditë, kjo ju jep një lëkurë të shëndetshme. Lëngjet me fruta si Acai dhe Acerola janë të mahnitshme.
HB: Cilat produkte merrni me vete kur dilni nga shtëpia?
AL: Çdo gjë natyrale.
HB: Çfarë të ka mësuar gjyshja për bukurinë?
AL: Nëse jeni rehat me lëkurën tuaj, ju do të ndiheni të bukura për veten dhe për të tjerët, sigurisht.
