Sarah Jessica Parker ndoshta nuk është nusja tipike që imagjinoni. Ajo vendosi një pendë në kokë ditën e dasmës, kur luajti rolin e Carrie Bradshow dhe zgjodhi një fustan të shkurtër të zi, kur u martua në jetën reale me aktorin Matthew Broderick.
Aktorja e njohur ka provuar kaq shumë fustane nuseje në jetën e saj dhe me një llogaritje të thjesht mund të numërojmë nëntë, nëse nisim nga seriali “Sex and the City”.
Tani Parker por përdor dashurinë e saj për modën dhe eksperiencën me dasmat, për të bashkëpunuar me Gilt, me të cilin ka dizajnuar një linjë të fustaneve kushtuar nuseve moderne.
Nëse po planifikon të martohesh këtë vit dhe nuk kërkon diçka të ekzagjeruar me shumë lajlelule, atëherë duhet ta shikoni patjetër këtë linjë fustanesh. Përveç tyre ka po aq fustane të thjesht e të bukur edhe për shoqërueset e nuses.
Parker nuk do të jetë e preferuara e të gjithave, sidomos e atyre që ëndërrojnë fustane princeshash, por ato që duan një ceremoni që nuk “bërtet” shumë, do t’i zgjedhin patjetër!
