Hitin botëror dhe këngën më të dëgjuar në mbarë botën me 5 miliardë klikime në Youtube, do ta dëgjojmë live në sheshin “Skënderbej”.
Këngëtari me famë botërore Daddy Yankee, do të mbajë një koncert në Tiranë, më 27 korrik. Për ju që mezi po e prisni, shitja e biletave do të nisë nga data 1 maj.
Biletat do të kushtojnë në varësi të vendit ku do të uleni, përfshi këtu rrethin “platin” të vendeve pranë skenës, atë “gold” dhe atë të zakonshëm që do të përfshijë çmime më të ulëta.
Ende nuk ka një informacion sesa do të kushtojnë biletat, ndërsa pritet që të mësohet në fund të muajit.
Daddy Yankee është autori i hiteve më të mëdha botërore, përfshi këtu: “Gasolina”, “El Amante”, “Danza Kuduro” etj.
Kjo është hera e parë që ai vjen në Tiranë dhe besojmë se nuk mund të ketë lajm më të mirë për verën.
