Sara Hoxha është shtatzënë!
Po, po, trashëgimtarja e “Top Channel” e ka dhënë personalisht lajmin e bukur në profilin e saj në Instgram, ku ka publikuar një foto me barkun e rrumbullakosur!
Në mesin e një plazhi fantastik me rërë të bardhë, mami Sara duket tepër tërheqëse me një palë rroba banjo trup në ngjyrë të zezë, teksa përkëdhel bebushin e saj në bark.
Ky është fëmija e dytë për Sarën dhe bashkëshortin Ledion Liço, pas London i cili erdhi në jetë në 13 dhjetor të vitit 2016.
Dhe mami me babin duket se e kanë vendosur sesi do ta quajnë të voglin apo të voglën e tyre, pasi Sara ka dhënë një detaj mjaft interesant në postimin e saj
“Një tjetër kryeqytet europian është rrugës”, shkruan bukuroshja duke na bërë të mendojmë se London do të ketë një vëlla ose motër me emrin e një kryeqyteti europian.
Nuk e dimë sesi na e ka mbajtur të fshehur deri më tani, por Sara duket të jetë në tremujorin e dytë të shtatzënisë!
I urojmë asaj një pritje të ëmbël!
