Nëse edhe ju keni menduar për vite me radhë si unë, që spaletat e xhaketave janë vetëm një model dizenjimi, e keni gabim. Këto spaleta me butona që kemi pasur gjithmonë në shpatullat e xhaketave kanë një qëllim në vetvete dhe këtë e zbuloi një 18 vjeçare nga Cumbria.
Francheska Horsburgh postoi në Twitter një status në lidhje me zbulimin e papritur që bëri duke shkruar: “ Pas 18 vitesh kuptova se butonat e çuditshëm të supeve në xhaketa janë për të mbajtur çantat në vend, që të mos bien”.
Më pas për ta vërtetuar ajo postoi një demonstrim ku tregonte se si e vendoste çantën në pallton e saj të dimrit. Të menjëhershme ishin dhe reagimet e ndjekësve të cilët shprehën habinë e tyre në lidhje me zbulimin e saj.
“U trondita, thjesht mendoja se ishin për zbukurim”- shkruante dikush.
Një tjetër shtoi: “Kjo ishte një tronditje për mua, por qenka një ide gjeniale.”
Ndërsa një komentues shpjegoi se spaletat janë një rikthim në kohë i xhaketave ushtarake, ku ato ishin të domosdoshme për mbajtjen e artikujve të tillë si bajoneta apo çantat e shpinës.
“Shumë këmisha uniforme ushtarake, xhaketa ose veshje të tjera janë të pajisura me spaleta. Në fillim ati ishin projektuar për të mbajtur çanta shpine, kuleta ose bajoneta që të mos rrëshqisnin”- shkruante sqarimi në Twitter.
