Çështja më shumë e diskutuar sidomos viteve të fundit është padyshim abuzimi me fondet publike, ku këtë herë një tjetër e dhënë na vjen.
Bëhet fjalë për një aktivitet për Diasporën, konkretisht “Samiti për Diasporën”, i cili është i ndarë në dy qytete, atë të Tiranës dhe në atë të Lezhës. Mirëpo ajo që bën më shumë çudi është që për vetëm tre ditë aktivitet janë shpenzuar plotë 670 milionë lekë të vjetra.
Intelektualë me emër në botë dhe përfaqësues të diasporës do të mbërrijnë në vendin tonë në një aktivitet rutinë. Mirëpo ajo që nuk shkon është se shumë qytetarë janë ngritur në protesta se nuk kanë asnjë të ardhur, ndërkohë që nga ana tjetër buxhetit të shtetit i ikën një shumë e tillë për një eveniment i cili është sigurisht i rëndësishëm, por jo më shumë se popullsia e varfër në vend.
Mirëpo do pyesni çfarë përfshihet në këtë shifër dhe me çfarë po shpenzohet? Zërat përfshijnë: Brendimin e Bulevardit Dëshmorët e Kombit me afishe: 216 milionë lekë, skenografia për vetëm një ditë: 177 milionë lekë, regjia: 12 milionë lekë.
