Gjatë 24 orëve të fundit, në Spanjë janë shënuar 567 viktima nga koronavirusi.
Numri i përgjithshëm i vdekjeve tashmë ka shkuar në 18,056, ndërkohë janë raportuar edhe 2,442 raste të reja me koronavirus brenda një dite.
Sa i përket shifrës totale të të infektuarve ka arritur në 172,541.
Bizneset në sektorët e ndërtimit dhe të prodhimit u rihapën nga dje – pasi qeveria spanjolle lehtësoi disa masa bllokimi të vendosura në fuqi dy javë më parë që kufizuan shumicën e njerëzve në shtëpitë e tyre.
Nuk ka raportime për autobusë dhe trena të mbushur me njerëz. Autoriteti i transportit në Barcelonë tha se kishte pasur rritje të trafikut të udhëtarëve, por sërish brenda normave të lejuara.
Ndërkohë, Ministria e Shëndetësisë ka marrë nën kontroll të gjithë laboratorët dhe klinikat private për të përshpejtuar procesin e testimit dhe ka prezantuar masa për të shmangur çmimet abuzive të testeve.
/The Guardian
