Jennifer Lopez dhe Ben Affleck nuk u ndalën së puthuri me njëri tjetrin gjatë muajit të mjaltit në Paris me familjen e tyre.
Të porsamartuarit u panë duke shkëmbyer puthje teksa darkonin pranë vajzës 16-vjeçare të aktorit, Violet, në restorantin Le Matignon të enjten në mbrëmje.
Lopez, 52 vjeç, u fotografua duke afruar Affleck, 49, duke e vendosur të gjithë krahun e saj rreth kokës së tij.
Fatmirësisht, Violet nuk dukej se shqetësohej nga dashuria që ata shfaqnin për njëri tjetrin,
Më herët në mbrëmje, Lopez dhe Affleck u panë duke mbërritur dorë për dore në restorant.
Aktori dukej i veshur me një kostum dhe kravatë, ndërsa ajo shfaqte elegancën me një fustan të kuq dhe taka ngjyrë ‘nude’.
Udhëtimi familjar në Paris vjen pasi Lopez dhe Affleck u martuan fshehurazi në Las Vegas më 16 korrik.
Një burim i tha ekskluzivisht Page Six: “[Lopez] ka qenë gati të martohej që nga nata që Ben i propozoi. Ajo donte ta mbyllte këtë gjë shumë shpejt!”
Çifti u takua në vitin 2001 në xhirimet e filmit të tyre “Gigli”, ndërsa Lopez ishte ende e martuar me burrin e saj të dytë, Cris Judd. Pasi ajo dhe Judd u ndanë në vitin 2002, ajo filloi të takohej me Affleck dhe ata u fejuan menjëherë. Megjithatë, ata u ndanë në vitin 2004, duke thënë se ishte shumë e vështirë për të pasur një marrëdhënie në sytë e publikut.
Para se të rindizte romancën e saj me Affleck, Lopez ishte fejuar me Alex Rodriguez. Ata u ndanë në mars 2021.
