Russell Crowe sulmoi këngëtaren! Por kush ishte fajtori?

Këngëtarja Azealia Banks denoncoi në polici aktorin Russell Crowe, me pretendimin se e sulmoi gjatë një darke të organizuar në dhomën e hotelit të tij, mbrëmjen e së shtunës.

25-vjeçarja Banks plotësoi një denoncim kundër aktorit në Departamentin e Policisë së Beverly Hills të dielën.

Megjithatë, të ftuarit raportojnë se ishte 25-vjeçarja ajo që krijoi një skenë të shëmtuar duke kërcënuar se do të sulmonte të ftuarit e saj darke.

Sipas TMZ, Crowe organizoi një darkë në dhomën e tij në një hotel në Beverly Hills, në të cilën Banks ishte e ftuar si shoqëruesja e reperit RZA. Megjithatë, sapo darka filloi këngëtarja nisi të tallej me zgjedhjet që aktori kishte bërë në muzikë, duke e quajtur atë dhe një të ftuar “burra të bardhë të mërzitshëm”.

Sipas të pranishmëve, një grua është ngritur menjëherë të mbronte Crowe por reperja nisi të kërcënonte se do sulmonte të ftuarit.

Megjithatë kur ajo tentoi të kapte gotën për të goditur të pranishmit, Crowe reagoi duke e nxjerrë nga dhoma këngëtaren. Nga ana tjetër këngëtarja Banks deklaroi se e denoncoi aktorin pasditen e së dielës pasi ai refuzoi që t’i kërkonte falje, për përzënien e saj nga dhoma e hotelit.

Burimi: TMZ