Pak ditë më parë, Rudina Dembacaj tha në emisionin “Lart e Poshtë” se ka qenë ajo që e ka shtyrë Agronin të pranonte Romeon në “Al Pazar”, pasi ai nuk e donte dhe ishte skeptik.
“Unë kam këmbëngulur që Romeo të jetë pjesë e Al-Pazar sepse Agron Llakaj ishte shumë skeptik dhe nuk e donte”, u shpreh aktorja.
Ndërkohë një ditë pasi ky lajm bëri bujë në mediat shqiptare, vëllezërit Donald dhe Romeo kanë folur për të ardhmen e tyre në “AlPazar”.
Të ftuar këtë të diel në “E Diell”, ata u shprehën se nuk do t’i shohim më në spektaklin e humorit “AlPazar”.
Binjakët që u bënë të famshëm pikërisht falë këtij spektakli dhe spikatën me humorin e tyre, kanë marrë vendimin të mos kthehen më atje.
Ata janë angazhuar tashmë në emsionin “3shat” me Bora Zemanin, dhe shtuan se sërish vijojnë të mbeten brenda së njëjtës familje.
Sa i përket marrëdhënies me Agronin, Donaldi dhe Romeo thanë se falë tij ata kanë një karrierë në aktrim.
https://www.instagram.com/p/B2_7Z3bF5gp/
