Siç ka treguar edhe më herët, aktorja dhe moderatorja e njohur Rudina Dembacaj nisi në muajin qershor të vitit që lamë pas proçedurat e divorcit me babain e vajzës së saj, Aleksandër Varfaj.
Dyshja u nda me mirëkuptim dhe kanë mbetur miq me njëri-tjetrin, ndërsa pas fillimit të vitit 2020, Rudina bëri publike lidhjen e saj të re me Mark Frrokun.
Këto ngjarje të jetës së saj kanë bërë bujë të madhe në media dhe vazhdojnë të ngjallin kuriozitet tek publiku.
Të shumtë janë ndjekësit që e kanë pyetur Rudinën në InstaStory për ish-partnerin e saj.
Dikush i shkruan me humor nëse Aleksi ia këndon asaj vargjet e këngës “O Rudina ti pse më le?”
Aktorja e ka marrë me sportivitet këtë pyetje, duke kthyer me humor edhe një përgjigje:
“Aleksi ka shpëtuar! Ku durohem unë”- shkruan ajo shoqëruar me emoji duke qeshur, ndërsa etiketon edhe ish-partnerin e saj në postim.
Më herët, Rudina tregoi edhe si e përjetuan familjarët e saj ndarjen nga Aleksi dhe lidhjen e re me Mark Frrokun.
“Si çdo familje që e dëgjon ndarjen. Mërzi, trishtim etj. Por ama shumë mbështetje. Falë familjes sime unë nuk jam ndjerë kur vetëm. Kam parë prindër që hiqen si të emancipuar dhe me nivel, por kur vjen dita për të mbështetur vajzën, kanë turp nga fisi”- tregoi ajo.
