Fushë-Kruja u trondit mbrëmjen e sotme nga një aksident tragjik në kryqëzimin e Borizanit.
Një automjet i tipit “Audi” me katër të rinj brenda tij u përplas me një trailer me targa Kosove.
Tre prej të rinjve ndërruan jetë menjëherë, ndërsa njëri prej tyre mbeti i plagosur dhe u nis me urgjencë për në Spitalin e Traumës në Tiranë.
Mirëpo, raportohet se edhe personi i katërt nuk ka mundur t’i përballojë plagët duke ndërruar jetë pak momente më vonë.
Shkak i aksidetit fatal dyshohet të jetë bërë shpejtësia tej normave të lejuara.
Sipas të dhënave të para, të rinjtë po ktheheshin nga veriu për në Tiranë.
Aksidenti ndodhi në orën 20:30, orar i ndaluar për qarkullimin e automjeteve dhe mbetet ende të zbulohet nëse “Audi” kishte autorizim për të lëvizur në këtë orar.
