Një grua 90-vjeçare nga Belgjika i ka përlotur të gjithë me gjestin e saj human.
Suzanne Hoylaert, e cila u shtrua dy javë më parë në spital pasi u diagnostikua me Covid-19, ka refuzuar të përdorë një ventilator për frymëmarrjen.
Megjithëse gjendja e saj ishte përkeqësuar, gruaja pranoi të sakrifikonte jetën për të shpëtuar pacientë më të rinj.
Suzanne i kërkoi mjekëve të spitalit ku ishte izoluar që ventilatorin ta përdornin për personat më të rinj në moshë.
“Nuk dua të përdor frymëmarrje artificiale. Ruajeni atë për pacientët e rinj. Tashmë kam pasur një jetë të mirë”.- mësohet të ketë thënë ajo.
E bija e 90-vjeçares, Judith, nuk ka mundur t’i thotë lamtumirë të ëmës dhe as nuk e ka përcjellë atë në funeral.
Megjithatë, gjesti i të prekurës me Covid-19 po bën xhiron e të gjitha mediave dhe është duartrokitur fort.
