Virusi Covid-19 erdhi si një shuplakë e fuqishme për ekonominë e të gjitha vendeve dhe sektorë të shumtë që tani nuk kanë mundësi të kthehen si më parë.
Edhe në Shqipëri, pasojat e pandemisë janë mëse të dukshme dhe “na vrasin” çdo ditë sapo dalim nga shtëpia.
Kanë rritur çmimet ushqimet, pijet alkoolike dhe cigaret, komunikimi me celular, qiraja, furnizimi me ujë, tapetet, mallrat dhe shërbime tpër mirëmbajtje shtëpie, pajisjet audio-vizuale, fotografike, dhe riparimi i tyre, gazetat, hotelet, restorantet dhe kafenetë.
Sipas INSTAT, rritja vjetore e çmimeve në muajin Maj është rritur në grupin “Ushqime dhe pije joalkoolike” me +1,81 pikë përqindje, pasuar nga grupi “Qira, ujë, lëndë djegëse dhe energji” me +0,29 pikë përqindje.
Çmimet e grupit “Mobilje, pajisje shtëpie dhe mirëmbajtje e shtëpisë” kanë kontribuar me +0,11 pikë përqindje. Çmimet e grupit “Argëtim dhe kulturë” kanë kontribuar me +0,07 pikë përqindje.
Çmimet e grupit “Hotele, kafene dhe restorante” kanë kontribuar me +0,03 pikë përqindje. Çmimet e grupit “Pije alkoolike dhe duhan” kanë kontribuar me +0,02 pikë përqindje.
Çmimet e grupeve “Komunikimi”, “Shërbimi arsimor” dhe “Mallra dhe shërbime të ndryshme” kanë kontribuar me +0,01 pikë përqindje secili.
Çmimet e grupit “Transporti” kanë kontribuar me -0,23 pikë përqindje. Çmimet e grupit “Veshje dhe këpucë” dhe “Shëndeti” kanë kontribuar me -0,02 pikë përqindje secili.
