Kryeministri Edi Rama ka bërë me dije sot se janë shëruar edhe 9 persona të tjerë nga koronavirusi në vendin tonë.
Numri i të shëruarve ka shkuar në 76, nddërkohë bilanci zyrtar i COVID-19 në vendin tonë është 259 të prekur, midis të cilëve 15 viktima.
Në spitalin Infektiv ndodhen 79 persona, 7 prej të cilëve në terapi intensive, ku 4 janë intubuar. Pjesa tjetër e pacientëve ndodhen në pavion në gjendje të stabilizuar shëndetësore.
Autoritetet shëndetësore ndërkohë, vijojnë me thirrjet për respektimin e rregullave të higjienës, distancimit social dhe kufizimin e daljeve nga shtëpitë.
Dje, kryeministri Edi Rama u shpreh se nëse bilanci i të infektuarve në vend do të qëndrojë stabël, atëherë mund të ketë disa lehtësime të lëvizjes.
Nëse numrat deri të dielën do të jenë të qëndueshme atëherë do të ketë lehtësira për qytetarët, por me pikatore, sipas kreut të qeverisë. Rama bëri thirrje të mos entuziasmohemi para kohe, por të bëjmë durim.
/Iconstyle.al
