Nëntë persona kanë vdekur të dielën pasi një aeroplan u rrëzua në Suedinë veriore menjëherë pas ngritjes për fluturim.
Mjeti GippsAero GA8 Airvan, i njohur për transportin e parashutistëve humbi kontrollin dhe u rrëzua pak pas orës 14:00, pasi u largua nga aeroporti Umea.
Aeroplani u rrëzua në një ishull në lumin Ume, tha një zëdhënës i policisë. Të gjithë ata që ishin në bord ishin suedezë, shton policia.
Shkaku i rrëzimit nuk është ende i qartë. Mediat suedeze citojnë dëshmitarët të thoshin se disa prej parashutistëve ishin parë duke u përpjekur të hidhen nga avioni para se të përplaseshin.
“Dëgjova një tingull të pazakontë, që nuk ishte normal, ngrita sytë dhe pashë një aeroplan që rrotullohej si një top”, tha dëshmitari Peter Larsson për gazetën Dagens Nyheter.
“Në fillim, mendova se ishte një fluturim akrobatik, por shpejt e kuptuam se diçka nuk ishte në rregull”, tha ai.
Mbreti i Suedisë Carl XVI Gustaf shprehu ngushëllimet e tij në një deklaratë të publikuar në Facebook.
