Bashkëpunimi i ri i Luana Vjollcës me Faydee, i titulluar “Yalla Habibi” theu rekorde klikimesh sapo u publikua në Youtube. Kënga ka vetëm 2 ditë që është lançuar, megjithatë ajo ka marrë deri tani plot 1.7 milionë klikime.
Ditën e djeshme Luana festoi deri në orët e para të mëngjesit për suksesin e këngës së re, krah Marinës dhe Getoarit. Mirëpo, teksa Luana shijon suksesin, gazetari Olti Curri ka gjetur një këngë të ngjashme me të Luanës, të cilën e ka publikuar në Instastory.
“Epo kjo punë! Sa e nxorri këngën Luana, ja kopjuan. Turp të keni.”- shkruan Olti krahas videos së këngës “Yalla habibi” të Dj Antoine, Sido dhe Moe Phoenix.
Në një tjetër postim, gazetari ka publikuar datat e lançimit të dy këngëve që kanë të njëjtin titull dhe ka zbuluar se kënga e huaj është publikuar që në qershor të vitit të kaluar.
Sipas jush, ngjasojnë dy këngët e mëposhtme me njëra-tjetrën?
