Të qenit kreu i një prej shteteve më të fuqishme në botë, nuk e bën Donald Trump, një mashkull të paarritshëm në shtrat.
Të paktën kështu ka lënë të nënkuptohet ylli pornografik, Stormy Daniels, e cila ka thënë se marrëdhënia e saj seksuale me presidentin e SHBA-ve, ka zgjatur vetëm dy minuta.
Aktorja e filmave pornografikë, emri i vërtetë i të cilës është Stephanie Clifford, gjatë një interviste për “Vogue” ka folur për marrëdhënien me presidentin amerikan në një hotel në Lake Tahoe.
39-vjeçarja ka thënë se seksi me Trumpin ishte si me çdo mashkull tjetër, ndërsa arsyeja pse e ka bërë ka qenë kurioziteti për të ditur sesi ishte Trump në shtrat.
“Sa detaje mund të jap në lidhje me gjërat që kanë ndodhur për dy minuta? Ndoshta jam bujare”, ka thënë ajo.
Ndërkohë, presidenti i SHBA-ve vazhdon ta mohojë se ka pasur një marrëdhënie të çfarëdolloji me yllin pornografik që ka pohuar se në kohën kur ka ndodhur romanca mes tyre, Trumpi ka qenë i martuar me Melanian.
Nga ana tjetër, është raportuar se avokatët e presidentit i kanë paguar 130.000 dollarë Stormy-t për të heshtur mbi këtë çështje.
