Megjithëse e ndjejmë shumë pranë vetes me postimet e shumta në rrjete sociale, ku Lori përpiqet të na përfshijë sa më shumë në përditshmërinë e saj, ka edhe “detaje” që na vijnë rrallë e për mall.
Kështu është puna e të voglit të shtëpisë, Itan, i cili duket se e ka bezdi të dalë shpesh në rrjete sociale.
Nuk dimë kur është hera e fundit që ai ka ‘pozuar’ për ndjekësit e motrës së tij, Lorit, por dimë që kësaj here i ka dhënë asaj leje për një puthje dhe një shkrepje.
Sigurisht, këtë moment trashëgimtarja e “Top Channel” s’mund ta mbante vetëm për vete, ndaj e ka ndarë në llogarinë e saj.
Në një kolazh me foto e video, Lori shkruan:
“Kalo fotot për të parë se kush më lejoi më në fund që ta puth.” (Kush tjetër veç Itan!)
Në fakt, çuni i vetëm i shtëpisë duket se është rritur shumë që nga hera e fundit që e kemi parë dhe me siguri motrat e llastojnë dhe e mbajnë me kimet, si çuni i pleqërisë.
S’dimë kur do ta shohim më Itanin në rrjete sociale, por dimë të themi që do të jetë një ditë e largët.
