E mbani mend kohën kur Rozana Radi ka qenë pjesë e “Portokallisë”?
Nëse jo, këngëtarja e njohur ka kujtuar kohën kur ka bërë konkursin për të qenë aktore e programit të humorit dhe është pranuar. Por qëndrimi i saj atje i kishte ditët e numëruara pasi Rozana tregon se dikush ia prishi dëshirën për të vijuar.
Ajo flet për kohën kur ka kaluar mirë me miqtë aktorë, por edhe për personat pas kuintave, të cilët me sa duket paskan qenë arsyeja përse ajo është larguar nga “Portokallia”.
Ky reagim i Rozanës vjen pasi dikush nga ndjekësit e pyeti nëse e ka menduar veten si prezantuese e “Portokallisë”.
Ja reagimi i plotë i Rozana Radit:
“Kur përfundova Akademinë e Arteve bëra konkursin për të qenë aktore në ‘Portokalli’ dhe kam qenë pjesë e ‘Portokalli’-së dikur. E kam provuar dikur. Por siç keni dëgjuar dhe nga aktorët e tjerë që janë larguar dhe unë pata fatin e tyre. E kam shijuar kohën pranë miqve të mi aktorë, por fryma që sillte dikush dhe energjinë që jepte, flas për ata që punonin pas kuintave, ma prishi atë dëshirë për të vazhduar”.
