Ajo e ka treguar gjithnjë se i mungon figura e të atit në jetën e saj. Baba i moderators Roza Lati është ndarë nga jeta kur ajo ka qenë në moshë të vogël.
Dhe pikërisht sot ai do të festonte 68-vjetorin e lindjes dhe për këtë arsye ajo ka shkuar në varreza. Moderatorja ka publikuar një foto nga varri ku po prehet i ati.
Me anë të një dedikimi shumë prekës, Roza ka treguar sa shumë i mungon dhe çfarë ka trashëguar prej tij edhe pse nuk mban mend shumë gjëra nga ai:
“Nuk mbaj mend shumë nga ty.. Por mbaj mend që pranë teje.. ndihesha e mbrojtur nga çdo gjë. Di që nga ty kam marr krenarinë e tepruar. Fiksimin për pastërtinë. Nervin për ta bërë diçka si dua unë deri në fund. Nuk dorëzohem siç nuk dorëzoheshe ti derisa sakrifikoj dhe shëndetin tim. Dua kafshët si ty. Dua kuajt dhe shoh dokumentarë me kuaj si ty. Deti… dua detin si ty… notoj si ty. Jam e egër si ty. Jam shpirt i lirë dhe e çmendur si ty. Te dua bab… gjithë jetën do më ndjek figura jote… sepse ah dreqin… të ngjaj kaq shumë!”, – ka shkruar Roza në postimin e saj.
