Ditën e djeshme Besi dhe Xhensila kanë festuar 3-mujorin e lindjes së vogëlushes së tyre Ajka.
Në këtë ditë të rëndësishme për familjen Kallaku, dyshja organizoi një darkë me familjarët dhe miqtë, disa prej tyre personazhe të njohura të ekranit si Erion Isai, Olsi Bylyku, Ardit Gjebrea me familjen etj.
Festa ishte private dhe Xhensila u rezervua ta ndante këtë event në rrjetet sociale. I vetmi që ka postuar dy foto nga darka, është Besi, por pa asnjë përshkrim.
Ndërsa motra e Xhensilës ka postuar një foto me këngëtaren e cila në këtë mbrëmje kishte zgjedhur të vishej me një fustan me lule në ngjyrë të verdhë.
