Ditën e djeshme Cristiano Ronaldo na prezantoi me look-un e ri nga shtëpia ku po qëndron i izoluar pasi u infektua me Covid-19 një javë më parë.
Ai shihej teksa ushtrohej, ndërsa kishte qethur flokët thuajse zero.
https://www.instagram.com/p/CGmmKdbg64_/?utm_source=ig_web_copy_link
Siç ndodh me të gjithë, ylli portugez i është nënshtruar sërish tamponit pasi kanë kaluar 7 ditë nga tamponi i parë dhe ka rezultuar sërish pozitiv.
Ronaldo mungoi në përplasjen e Portugalisë me Suedinë dhe gjithashtu nuk ishte as në ndeshjen e Juventus ndaj Dinamo Kiev.
Tashmë ai duhet të qëndrojë në izolim për të paktën dhjetë ditë, teksa nuk do marrë pjesë as në ndeshjen kundër Barcelonës për Champions League që luhet më 28 tetor.
Lajmi për infektimin e Ronaldos, në funksion të ndeshjeve të ardhshme të kampionatit dhe mbi të gjitha për debutimin në Champions League ka ngritur një kambanë alarmi në dhomat e zhveshjes së Andrea Pirlo dhe ka irrituar drejtuesit e Juventusit.
Ylli portugez duhet të respektojë protokollin dhe të presë që tamponët e ardhshëm të rezultojnë negativ.
Sidoqoftë, në kthimin e tij në Torino, ai mund të gjente një klimë veçanërisht të tensionuar. Klubi i Andrea Agnelli, përveç shqetësimit për shëndetin e tij, ka frikë nga pasojat ligjore pas vendimit të CR7 për të mos dëgjuar këshillat e marra nga lart.
Pasi dy persona në kontakt me ekipin u prekën nga Covid-19, presidenti i Juventusit në fakt u kishte kërkuar të gjithë lojtarëve të tij që të mos iu përgjigjen thirrjeve ndërkombëtare.
Por, Ronaldo u largua për në Portugali për të luajtur ndeshjet e Ligës së Kombeve. Sakaq, edhe McKennie ka rezultuar pozitiv me Covid-19.
