Cristiano Ronaldo dyshohet se ka përdhunuar një modele amerikane dhe më pas i ka kërkuar falje duke i thënë “më fal, unë zakonisht jam një gentleman’, sipas dokumenteve të gjykatës të paraqitura në Las Vegas.
Kathryn Mayorga, një mësuese 34-vjeçare, e cila ishte një modele aspiruese në kohën e sulmit të supozuar, pretendon se Ronaldo e përdhunoi atë në një banjë në “Palms Hotel and Kazino” në Las Vegas, në orët e para të 13 qershorit 2009.
Dokumentet gjyqësore pohuan se ai e sulmoi edhe pse ajo po bërtiste “Jo, jo, jo!”
Ish-lojtari i Manchester United, 33, foli në një video në Instagram vetëm disa orë pasi avokati i saj paraqiti dokumentet gjyqësore në lidhje me rastin, duke i cilësuar lajmet si të rreme.
“Ata duan të promovojnë veten duke përdorur emrin tim. Është normale. Duan të jenë të famshëm duke thënë emrin tim, por kjo është pjesë e punës. Unë jam një njeri i lumtur”.
Dokumentet shtojnë: ‘Paditësja, znj. Mayorga refuzoi dhe deklaroi se donte të dilte nga suita e hotelit. Pas Ronaldo e tërhoqi paditësen në një dhomë gjumi dhe u përpoq të kryente marrëdhënie seksuale. Paditësja refuzoi dhe u mbulua në një përpjekje për të parandaluar penetrimin seksual”.
Sipas mediave sulmuesi më pas e ktheu znj. Mayorga në anën e tij dhe ndonëse ajo po bërtiste “jo, jo, jo!”, ajo u përdhunua nga ylli i futbollit.
Dokumentet pohojnë se Ronaldo u largua nga dhoma e gjumit pas sulmit, duke deklaruar se i vinte keq për atë që kishte ndodhur, pasi ai zakonisht është një gentleman.
