Këtë javë mos e ndani çadrën nga çanta, pasi duke filluar nga e marta, Shqipëria do të pushtohet nga reshjet e shiut.
Gjithë planet e mundshme për të dalë bëjini gjatë së mërkurës ose të enjtjes, pasi fundjava është gjithashtu me shi.
Dita e parë e muajit, që përkon edhe me nisjen e javës do të shoqërohet me mot me kthjellime dhe vranësira të shpeshta në pjesën më të madhe të vendit.
E marta sjell shtim të vranësirave dhe shira të dobët në Veri por mundësi për rrebeshe të përkohshme në Qendër-Jug; stuhitë dhe rrebeshet lokalizohen në hapësirat detare të Adriatikut – Jonit.
E mërkura dhe e enjtja paraqiten me kthjellime dhe vranësira të herëpashershme ndërsa shirat mbeten në horizontin e fundjavës.
Sipas Meteoalb, përgjithësisht, muaji tetor do të sjellë periudha 6-7 ditore të ngrohta të ndërprera këto me intervale 3-4 ditore me mot të ftohtë.
