Kriza në familjen “Berisha” ka qënë kryefjala e mediave rozë. Ishte Robert Berisha, i cili konfirmoi në studion e emisionit “Rudina” se nuk flet me partneret e vëllait të tij, këngëtaren Tuna Sejdiu.
“Me Tunën nuk shihemi. As nuk dua që të takohemi. Për Patrisin e Tianin, e jap jetën. I kërkoj shumë falje Patrisit se nuk ishim në atë ditëlindje dhe nuk do të kemi mundësi në asnjë ditëlindje” – tregoi Robert Berisha edhe për mungesën e tij dhe të bashkëshortes Nora Istrefi në ditëlindjen e parë të nipit.
Mirëpo edhe pas këtyre deklaratave bombë, Roberti dhe Patrisi ruajnë marrëdhënien e ngushtë dhe këto mosmarrëveshje nuk kanë ndikuar aspak në lidhjen e tyre vëllazërore.
“Prive” shkruan se ata janë parë sot në Prishtinë, teksa konsumonin një kafe së bashku me një mik të tyre të përbashkët.
Ndërkohë që partnerja e Patrisit, Tuna Sejdi ka udhëtuar drejt vendlindjes së saj.
Përmes një postimi në profilin e saj në “Instagram”, Tuna ka bërë të ditur se po shijonte një masazh në qytetin e Shkupit.
