2 ditë më parë Robert Berisha ishte kryefjala e të gjithë mediave rozë, për shkak të lidhjes së re me modelen italiane, Maria Bove. Si fillim ishte Roberti ai që publikoi një video me modelen seksi dhe kështu të gjithë fansat nisën nga aludimet. Mirëpo Maria shoi menjëherë kuriozitetine të gjithëve, teksa publikoi një video duke shkëmbyer puthje pasionante në buzë me Robertin. Kështu me një video dyshja konfirmuan menjëherë lidhjen e tyre.
Ndërkohë që nuk kanë folur fare se si janë njohur dhe si nisi kjo lidhje, Maria vazhdon të mos i kursejë pozat e videot përkrah Robertit. Së fundmi ajo ka postuar në Instagram dy video, në të cilat ka treguar se nuk është ndarë për asnjë moment nga këngëtari.
Në njërën prej tyre ajo shihet e shtrirë pranë Robertit, ndërsa ai e fërkon nga këmbët. Ndërsa në një tjetër duket se ata janë zgjuar bashkë dhe janë bërë gati për të shkuar diku. Maria dhe Roberti shfaqen shumë të afërt me njëri-tjetrin dhe tepër të lumtur.
Për këtë lidhje të re nuk mungoi as reagimi nga ishe e dashura e Robert Berishës, Jessica Kadiu. Kjo e fundit u shpreh se është shumë e lumtur me jetën e saj dhe i vjen mirë që tashmë e ka kuptuar se kush e do me të vërtetë dhe kush për interesa.
“Ju kam juve si FBI skam neoj me pa se mi dergoni juve. Po lejeeeee bre se sdu me ja dit aji eshte problemi i saj tani hahahahaha i uroj fat asaj, kam kaluar kohën kur kishta ndjenja për të shumë kohë më parë. Gjithmon ju kam premtu qe nje dit do flas hapur dhe me ne fund jam shume okay qe te flas pa doreza. Kjo do jet hera e fundit qe fol nlidhje me kte tem jo pse me bezdis por sepse jam shume mire me vet veten dhe e kaluara duhet të qëndrojë në të kaluarën. Jam shume e lumtur deri tani dhe njerzit qe kam afer meje per momentin. Kam mesuar shume dhe tani e di si me dallu kur nje person te do ne te vertet dhe kur vetem te perdor per interesat e vet. Çdo gje ndodh per nje arsye”, deklaroi Jessica.
