Këngëtari i njohur Robert Berisha ishte dje i ftuar në emisionin e pasdites “Rudina”, ku përveç muzikës, foli edhe për jetën e tij private. Ai foli për raportin e tij me Norën, po edhe përkushtimin e madh ndaj vajzës së tyre të vetme, Renee-as.
Gjatë emisionit Roberti u ngacmua nga Rudina Magjistari edhe për raportin me kunatën e tij, Tunën. Kjo pyetje po i mundonte të gjithë që nga momenti që Roberi dhe Nora nuk ishin të pranishëm në ditëlindjen e parë të Tianit.
“Me Tunën nuk shihemi. As nuk dua që të takohemi. Nora është 15 vite në skenën shqiptare dhe ka shumë fansa si në Kosovë e në Shqipëri. Për Patrisin e Tianin, e jap jetën. Nora, me asnjë artist nuk ka pasur asnjë problem. Tuna ka probleme me të gjithë. I kërkoj shumë falje Patrisit se nuk ishim në atë ditëlindje dhe nuk do të kemi mundësi në asnjë ditëlindje”, rrëfeu Roberti duke i befasuar të gjithë me deklaratën e tij.
Mirëpo duket se edhe Tuna ka zgjedhur të reagojë në mënyrën e saj pas kësaj deklarate duke publikuar një foto në Instastory.
““Më falni, dola pak për të jetuar. Kthehem së shpejti”, ka shkruar Tuna teksa shihet duke pirë një gotë verë me shoqërinë e saj, dhe duket se nuk po e vret mendjen aspak se çfarë thotë Roberti.
