Harvey Weinstein, producenti i famshëm i filmave, u dorëzua ditën e djeshme në polici. Ai ndiqet nga akuza të shumta, përfshirë përdhunimin dhe sulmet seksuale, por gjithmonë ka mohuar seksin pa konsensus.
Dhjetëra gra bënë akuza kundër 66-vjeçarit, përfshirë përdhunimin dhe sulmet seksuale, duke krijuar lëvizjen #MeToo. Weinstein mohoi kryerjen e çfarëdo akti seksual pa pëlqimin e grave dhe avokati i tij tha se nuk do të pranonte fajin.
Ai u lirua me detyrimin për të paguar 1 milion dollarë dhe liri me kusht pasi gjykatësi urdhëroi të veshi një etiketë elektronike monitorimi. Një deklaratë nga Departamenti i Policisë së Nju-Jorkut tha se Weinstein u arrestua dhe u akuzua për seks pa dëshirë, abuzim seksual dhe shkelës seksual. Ai mbërriti në stacionin e policisë në Loëer Manhattan në 07:30 (12:30 me orën tonë) të premten, duke mbajtur tre libra.
Aktorja Rose McGowan, e cila akuzoi Weinstein për përdhunim, i tha BBC se ishte një “ditë e mahnitshme për të mbijetuarit e tij”.
“Është një moment shumë i rëndësishëm, është një përplasje konkrete përballë abuzimit me pushtetin. Është vetëm fillimi i këtij procesi dhe nëse mund ta shohim këtë deri në fund, shpresoj që të dalim fitimtarë”, tha ajo.
