“Grammy Awards” duket se ka shërbyer edhe si një urë lidhëse midis dy ish-kolegëve. Pas përfundimit të kësaj ceremonie, Rita Ora dhe Jay-Z kanë lënë pas krahëve të kaluarën e hidhur dhe i janë rikthyer miqësisë së tyre.
Ata janë parë duke folur e buzëqeshur me njëri-tjetrin në festën e madhe të “Grammys”, madje Rita e komplimenton këngëtarin edhe në media.
Në një intervistë për “Metro”, këngëtarja me origjinë shqiptare është shprehur se, “Jay-Z është një artist i vërtetë, i cili e sheh botën me sy realist, 360 gradë”.
Kujtojmë se kompania e reperit ka kërkuar një dëmshpërblim prej 2.4 milionë dollarësh, ndërkohë që pas disa muajsh “beteje” në salla gjyqësore, arritën në konsensus.
Gjithashtu, Rita mendohej se ishte femra me të cilën Jay Z kishte tradhtuar Beyonce-n, “Becky me flokët e bukura”. Por këto thashetheme u hodhën poshtë!
