Se sa kohë do të zgjasë marrëdhënia juaj është e paparashikueshme, por një parashikues objektiv i jetëgjatësisë së saj mund të jetë niveli juaj i hormoneve, ose saktësisht niveli juaj i oksitocinës, i njohur si “hormoni i përqafimeve” për efektet në lidhje.
Një studim i prezantuar te takimi i përvitshëm “Shoqëria për Personalitetin dhe Psikologjinë Sociale” mati nivelin e oksitocinës në 188 gra të martuara gjatë dhe pas shtatzënisë. Studimi vazhdoi dy vite e gjysmë më pas për të parë nëse gratë ishin ende të martuara me partnerët e tyre.
Hulumtimet zbuluan se 90% e grave ishin ende të martuara me bashkëshortët e tyre, por shtatë prej tyre ishin divorcuar pas lindjes së fëmijëve. Faktori që i ndau këto dy grupe? Gratë që e kishin nivelin e oksitocinës më të lartë gjatë 3-mujorit të tyre të parë dhe dy muaj pasi lindën, ishin më prirur për të qëndruar me babanë e fëmijës së tyre.
“Te njerëzit, oksitocina gjatë shtatzënisë është e lidhur në mënyrë të sinkronizuar me foshnjën e tyre, prekjen, shikimin, vokalizmin, efektet pozitive dhe bashkëveprimin. Studimi zbuloi lidhjen prindër-fëmijë, mes asaj prindër-prindër. Statistikat zbuluan se niveli i ulët i oksitocinës gjatë shtatzënisë lidhet me rrezikun për prishjen e marrëdhënies, kur fëmija të jetë ende foshnjë”, tha autori.
Kështu që, nëse keni në plan të lindni fëmijë, niveli i oksitocinës luan një rol të rëndësishëm në marrëdhënien tuaj me foshnjën, ashtu sikur se në marrëdhënien tuaj me partnerin.
Burimi: Glamour
